Rétt einn dag

1. Rétt einn dag, já, eina stund í einu,
ei er þörf að kvíða næsta dag.
Föðurskauti hallast ég að hreinu,
hér er borgið ávallt mínum hag.
Fyrir mig Guð faðir er hinn sanni,
fyllir mína hendi alla stund.
Skyggi´ í dag með skúr að mínum ranni
skín á morgni fögur sól á grund.

2. Alla daga er hann mér svo nærri,
að ég hverja stund á vísa náð.
Áhyggjur mér allar liggja fjarri,
ætíð veitir Guð mér styrk og ráð.
Sér á örmum barn sitt mun hann bera
blessun hans mér fyrir öllu sér.
Þörfum eftir, þinn skal styrkur vera,
þetta loforð gafstu, Drottinn, mér.

3. Hjálp mér veit, að hvíla æ ég megi
heilög loforð þín við hverja stund.
Öruggt svo ég æ í trúnni þreyi,
orðum þínum treysti´ að hinzta blund.
Svo að ég með hugarþeli hreinu
hendi þinni taki allt úr hér.
Rétt einn dag, já, eina stund í einu
uns til himindýrðar sæll ég fer.

Lína Sandell – Ásmundur Eiríksson

Hljóðdæmi