1. Dýrðlega arfleifð á draumlífsins morgni,
Drottin að eiga, sem bróður og vin.
Til þess í æsku að tárin öll þorni,
til þess að vermast við Guðs náðar skin.

2. Gervallt er líf mitt nú geymt í hans höndum,
gleði og friðar ég nýt við hans skaut.
Allt er mér Jesús á auðnunnar söndum,
athvarf og huggun, ef ber mér að þraut.

3. Blíðari en móðir, er barn að sér vefur
brjósti sér jafnan hann þrýstir mér að.
Vakir þar yfir, sem veglúinn sefur,
verndar mig, barn sitt, á hættunnar stað.

4. Engin er gleðin né ununin meiri,
önnur en ganga í frelsarans spor.
Margoft ég rödd hans í mildleika heyri
minna á himinsins eilífa vor.

5. Einasta markmið er arfleifðin fríða
augum sem handan við dauðann nú skín.
Þrengingar lífs vil ég þolgóður líða,
þangað til Drottinn mig kallar til sín.

Höfundur óþekktur – Ásmundur Eiríksson