1. Þú frelsaði lýður syng fagnaðarljóð,
þú fagnandi lýður syng lofgjörðaróð.
Að baki er syndin, sem burtu var máð
nú blasir við sjónum hin eilífa náð.

Kór: Lofið Guð, lofið Guð
fyrir gæsku og stjórn.
Lofið Guð, lofið Guð
fyrir Guðslambsins fórn.
Til hans má ég koma þótt hrelli mig synd
og hreinsast að nýju í dreyra hans lind.

2. Gakk öruggt að hásæti algæsku hans,
sem afmáir syndir og skuldir hvers manns.
Ver aldrei í vafa um ógrynnis náð
og eilífa visku, sem þekkir öll ráð.

3. Hinn himneski Drottinn mun halda þér fast,
þótt hendi þig tælandi stormviðrið hvasst.
Hann tyftar í kærleik hið trúaða barn,
og tekur í faðminn sinn miskunnargjarn.

Fanny J. Crosby - Þýðandi óþekktur